تراتيل للميلاد

ماراناتا _ نبيهة يزبك

ماراناتا تعا يسوع ملي الدني بمجد السما

بيقول الروح جاي يسوع قرب العيد بعرس السما

جيت كان في نور ضوا البيت بالميلاد

بصوت عم بيقول بحب كتير

جيت للأطفال للمجوس للرعيان

جيت كرمال المساكين

كرمالك هو جاي _ نبيهة يزبك و جلبير جلخ

1- كرمالك هوي جايي يزرع فرحو بعينيك

هون بتبدى الحكايه لمجدو إرفعلوا إيديك

ردد إسمو عشفافك إنت ويللي حواليك

من يوم القلبو شافك حبو سهران عليك

2- كرمالك صار زغير كرمالك صار فقير

عبابك هوي ناطر يشحد نظرة عينيك

كرمالك قدم ذاتو إنت فرحة حياتو

كرمالك جايي بمجدو يبسط يمينو عليك

بميلادك يا ربي _ جومانا مدور

1-بميلادك يا ربي تكبر المحبة تنمحا الخطايا بكل الدني
وبتضوي ليالينا اللي فيها خوف وعتمة
وبتشرق علينا شمسك المحبة
ميلادك يا ربي ضوى الدني

2-يا يسوع الفادي قلبك يحمي بلادي
من عتم الليالي والقهر والأحزان
الناس الفرحانة بشموع وأغاني
بتمجد ميلادك وتسبح أعيادك
ميلادك يا ربي ضوى الدني

3-أطفال اللي ناموا بيحلموا بهدية
ببالن غنيّة أجراس وأعياد
عطيهن سلامك وحنانك عيدية
وتبارك عيالنا بيوتنا وأعمالنا
ميلادك يا ربي ضوى الدني

يسوع هو العيد _ سالزيان حلب

يسوع هو العيد هو العيد هللويا هللويا