تراتيل للميلاد

كرمالك هو جاي _ نبيهة يزبك و جلبير جلخ

1- كرمالك هوي جايي يزرع فرحو بعينيك

هون بتبدى الحكايه لمجدو إرفعلوا إيديك

ردد إسمو عشفافك إنت ويللي حواليك

من يوم القلبو شافك حبو سهران عليك

2- كرمالك صار زغير كرمالك صار فقير

عبابك هوي ناطر يشحد نظرة عينيك

كرمالك قدم ذاتو إنت فرحة حياتو

كرمالك جايي بمجدو يبسط يمينو عليك

بميلادك يا ربي _ جومانا مدور

1-بميلادك يا ربي تكبر المحبة تنمحا الخطايا بكل الدني
وبتضوي ليالينا اللي فيها خوف وعتمة
وبتشرق علينا شمسك المحبة
ميلادك يا ربي ضوى الدني

2-يا يسوع الفادي قلبك يحمي بلادي
من عتم الليالي والقهر والأحزان
الناس الفرحانة بشموع وأغاني
بتمجد ميلادك وتسبح أعيادك
ميلادك يا ربي ضوى الدني

3-أطفال اللي ناموا بيحلموا بهدية
ببالن غنيّة أجراس وأعياد
عطيهن سلامك وحنانك عيدية
وتبارك عيالنا بيوتنا وأعمالنا
ميلادك يا ربي ضوى الدني

يسوع هو العيد _ سالزيان حلب

يسوع هو العيد هو العيد هللويا هللويا

بضيعة زغيرة _ جوقة الأغابي

1.هللويا بضيعة زغيرة منسية كان في صبية الله معها وعاطيها نعمة روحية

ندرت عمرا من اول عمرا تبقى عدرا هالحلوة العدرا

زهرة زنبق مخفية عاشت بالفي تنشر عطر الحرية عالانسانية هللويا عدرا وام الله.

2.هللويا هالحلوة ليلة بتوعى ع صوت يقللها يا مريم عندي بشارة باعتها الله

قبل الاكوان الرب منقيك بصورة انسان يتجسد فيك

ويا بشارة حلوة طارت بالعالم كلو العدرا ام الله صارت هنوها وصللوا هللويا عدرا وام الله. 

3.هللويا يا مريم يللي نقلتي هالنعمة لينا يا أحلى بشارة حملتي صبيها علينا

يا أم النور هالنور الصافي الجايي تيزور عالمنا الغافي

وعينا حتى نفهم معنى هالزيارة ومنك يا عدرا مريم نحملها بشارة هللويا عدرا وأم الله.

انت اللي تحديت _ جوقة الأغابي

انت اللي تحديت القصور بمغارة متلك رح اتحدى هالعالم بالحب

انت اللي تحديت الجلجلة بمشوارك متلك رح اتحدى الخطية بالصلب

متلك أنا رح موت عن شر الخطايا متلك انا رح ثور ع كل القضبان

ما بخاف المجهول بتحدى الخفايا بحبك اوجاعي بتزول وبيبقى الايمان

1.انت يا كل التحدي عم بتحدى الدني فيك

انت اللي تلاقيت بأرضي بكرا جاي ورح لاقيك

واترك شي أثر من بعدي بوصي الدنيي كلا فيك

2.بليلة مش متل الليالي مغارة زغيرة وشافت مجدا

وهاك النجمة تبقى قبالي تنور كون كبير لوحدا

ويا هالطفل بتبقى ببالي رب زغير وعم يتحدى

سبحان الكلمة _ جوقة الأغابي

1.سبحانَ الكلِمَة السرَّ العظيمْ من توشَّحَ جِسمَنا الإلَهَ القَدير

2.آتيًا يفتَدينا من هَوْلِ الجحيم مُبعِدًا عن ربوعِنا كلَّ ليلٍ بهيم

3.الخَيرُ في بيوتِنا، الحُبُّ والأمانْ، زائِرُنا يسوع، أمينًا للزمان

يا رعاة أخبرونا _ جوقة الأغابي

المجد لله في الأعالي

1.يا رعاة أخبرونا هل جرى أمر غريب

خبّرونا بشرونا ما هذا السر العجيب

2.قد أضاء في السماء كوكبٌ زاه ٍ جديد

رنَّ لحن في الفضاء وصدى الجو يعيد

3.بشّروا كلَّ  العباد واعلموا يا عالمين

قد أتانا اليوم َفادٍ هلّلوا يا مؤمنين

بسمة سلام وحب _ جوقة الأغابي

ما تقلّي الميلاد هوّي تياب جداد
وما تقلّي الأعياد هدايا وزينة
صدّق ميلاد الرب هوّي ميلاد القلب
بسمة، سلام وحب بالعيد اهديني
ما بدّي هديّة منك يا خيّي
بدّي منك بسمة وحتى يمكن كلمة منك تكفيني
ما بدّي بالعيد عني تكون بعيد
وما تنسى ولا مرة إنّو يمكن نظرة زغيرة بترضيني
بسمة سلام وحب بالعيد اهديني

يا هالطفل النايم _ جومانة مدور

يا هالطفل النايم بمذود زغير تلج وطقس غايم بردان وفقير

شو بقدر قدملك تتدفى بهالعيد رح قدملك قلبي وكل ليالي العيد

1.بطلب منك يا يسوع تطعمي الجوعان

بطلب منك يا يسوع تسقي العطشان

بطلب يا يسوع تدفي البردان

بطلب منك يا يسوع تحمي لبنان

2.عطينا نحبك يا يسوع طول الإيام

ما تترك خيي الموجوع عالأرض ينام

نمشي خلفك درب شموع ننسى الآلام

عطينا نحبك يا يسوع عطينا السلام

عيد الميلاد _ جوقة سانتا ماريا

1.الليّلة يسوع جايي الأرضْ يزورا قلبو موجوع من خطايا النّاس

أنوار الأرض فيها الناس مسحورة وصوات الليل ماتت فيها جراس

جايي لقلوب بالأحزان مغمورة مطرح ما الحبّ والإيمان منداس

جايي قربان مغارة يشع بنورا جايي تيبقى معنا بقدّاس

ميلاد الأرض شجرة وزينة وصورة مش هيدا العيد مش هيك بينقاس

كلما بهالكون في أطفال مقهورة ما بيفرح عيد ما بتكمل أعراس

2.عيدِ الميلاد صار اليوم خبريّة مغارة بردانِة وفيها تماثيل

عيدِ الميلاد مش قصّة منسيّة حكيوها النّاس غنّوها تراتيل

عيدِ الميلاد والأنوار مطفيّة جايي يسوع تالأوجاع يشيل

عيدِ الميلاد رحمة الله عليّي والرّحمة بتبقى من جيل لجيل

عيدِ الميلاد والآمال ممحيّة جايي يسوع يمحي المستحيل

عيدِ الميلاد عيش الرحمة الفِيّي حتّى ما تبقى الكلمة بإنجيل

هدية حبك _ جوقة سانتا ماريا

الليلة عيد النّور الما بتوقف ظلمة بوجّه بهالكون

الليلة عيد الطفل الما بيفرّق قلبه بين دين ولون

يا يسوع الجايي بهالليلة تولد طفل بأجمل عيلة

وهدية حبّك ميلادَك عنّا بمغارة هون

هلّلويا هلّلويا هلّلويا هلّلويا

فرحة هالعيد مخباية بأنوار وزينة وألوان

هيدا عيد الرحمة وعيد الحبّ المولود بإنسان

اليوم بتكمل فرحة ميلاده لما الحب يتوّج أعياده

كلمة الله بتجمع أولاده لما يعيشوا الغفران

يا حبيبي _ جوقة سانتا ماريا

 يسوع ، إبنُ اللهِ في المذودِ مجدُ الخالقِ بينَ أخشابِ الأرضِ ميلادُ النورِ ميلادُ الرّحمة

يا حبيبي ، جئتُ أعبدُ قلبَكَ، يا لَلحبِّ، قلبُ مريَمَ قُربكَ

يا مخلّصي إقبلني مولوداً، في مغارةٍ توبتي نورُها

أنْظُروا، هذا الطّفلُ في أرضِنا، ضَاء نجمُهُ كيْ يُنيرَ قلوبَنَا، ميلادُنا أنْ نحيا بروحِهِ

Lord, you have chosen the manger Poorest baby born, came to end our misery Desiring only to fill our hearts with love

O Lord, make my heart a new Bethlehem Shine your light on me, so I’ll follow your name

O Jesus, I will sing with the angels Gloria in Heaven, peace will reign on earth Lord, hear my prayers, my confessions. In my hands, You find no gold, no incense Will You accept then my heart in Christmas

ولد لنا _ جوقة يسوع فرحي

ها الرعاة في البرية يسهرون الليل

فجاءهم ملاك الرب وقال لا تخافوا

إني أبشركم بفرح عظيم ولد لنا مخلص هلليويا

ولد لنا في مدينة داوود

طفل من مريم البتول المسيح الرب

يا شعوب الأرض هلموا واسجدوا لربنا

أنشدوا بالهتاف وسبحوا إلهنا

إني أبشركم بفرح عظيم ولد لنا مخلص هلليويا

ولد لنا في مدينة داوود

ولد لنا ولد لنا ولد لنا يسوع المسيح الرب

ها هو إله خلاصنا _ جوقة يسوع فرحي

ها هو إله خلاصنا عمانوئيل الله معنا

الحمل الوديع الحامل خطايانا لقد أصبح لنا خلاصا

ستستقون من ينبو عالخلاص و تقولون في هذا اليوم

باركوا الرب نادوا باسمه أخبروا بأفعاله بين الشعوب وابتهجوا

لأن قدوسنا في وسطنا عظيم

مبارك إلهنا القدير أقام لنا مخلصنا

كما قال على لسان أنبيائه من قديم الزمان

وهب له الاسم الذي يفوق جميع الأسماء يسوع للمسيح

كيما تنحني لاسمه القدوس كل ركبة في السماء وفي الأرض وتحت اأرض

ويشهد كل لسان أن يسوع هو الرب

يسوع التواضع _نزار فارس

يسوع التواضع يسوع الحب
صوتك أنا سامع تَ أمشي الدرب
فيك بيقوى إيماني فيك بيحلى زماني
يسوع ما بتنساني علمني متلك حب
كرمالي هوّ جاي.. جاي يعلمني الحب
معو بتبدا الحكايي ومعو رح امشي الدرب
يسوع بميلادك زهّرت الدروب
وعَ هالأرض سلامك شو فرّح قلوب
معك كبرت أحلامي وصارت أحلى إيامي
معك بنسى آلامي لو كان مشواري صعب
كرمالي هوّ جاي.. جاي يعلمني الحب
معو بتبدا الحكايي ومعو رح امشي الدرب